ഇന്ന് ഇങ്ങനെ... നാളെ എന്താകും..?

കുറെ നാളുകൾക്ക് മുമ്പ് ഏതാണ്ട് ഒരു മാസം മുമ്പ്.. ആലപ്പുഴയിൽ നിന്നും ചങ്ങനാശ്ശേരിക്ക് വരാൻ തയ്യാറെടുത്ത് നിൽക്കുന്ന സമയം , കറുത്ത എന്നെക്കാൾ ഉയരം കുറഞ്ഞ ഏന്നാൽ അഡ്വാനംകൊണ്ട് കരുത്തനായ ഒരു മധ്യവയസ്കൻ എൻ്റെ അരികിലേക്ക് വന്നു എന്നിട്ട് ചോദിച്ചു. 

സർ ഒരാൾക്ക് ഗൂഗിൾ പേ ചെയ്യാമോ , പൈസ ഞാൻ തരാം..

ഞാൻ ആദ്യം ഒന്ന് സംശയിച്ചു.. ചെയ്യണോ വേണ്ടയോ..

എൻ്റെ നിൽപ്പ് കണ്ടപ്പോൾ അദ്ദേഹം തുടർന്നു.. മകന് പനിയാണ് ആശുപത്രിയിൽ കൊണ്ട് പോകാൻ വേണ്ടിയാണ് . ഞാനവിടെ ചെല്ലുമ്പോൾ താമസിക്കും.. 

പകലത്തെ അധ്വാനം കൊണ്ട് തളർന്ന്, പകലിൻ്റെ വെയിലേറ്റു കറുത്ത് കരുവാളിച്ച മുഖത്ത് ഇത് പറയുമ്പോൾ സങ്കടം നിറയുന്നു ശബ്ദം താഴുന്നു.. 

അദ്ദേഹം തുടർന്നു.. 

കഴിഞ്ഞ ദിവസം കൊണ്ട് പോയതാണ് ശരിയായില്ല.. ഇപ്പൊ കൂടുതലാണ് എന്ന് പറഞ്ഞു വിളിച്ച്.. ഒന്ന് ചെയ്യാമോ..?

ഞാൻ പിന്നെ ഒന്നും ആലോചിച്ചില്ല..

നമ്പർ പറയൂ..

അദ്ദേഹം ഫോണിൽ നമ്പർ തിരയുന്നത് കണ്ടപ്പോൾ ഞാൻ ചോദിച്ചു.. 

ആരുടെ നമ്പരിൽ ആണ് പൈസ ഇടേണ്ടത്..

ഭാര്യയുടെ എന്ന് പറഞ്ഞു കൊണ്ട് നമ്പർ തിരച്ചിൽ തുടർന്നു..

ഞാൻ പറഞ്ഞു..

ഇങ്ങനെ തിരയേണ്ട കാര്യമുണ്ടോ.. കോണ്ടാക്റ്റ് ലിസ്റ്റിൽ പേരിൻ്റെ ആദ്യത്തെ ഒന്നോ രണ്ടോ ആദ്യത്തെ അക്ഷരങ്ങൾ ടൈപ്പ് ചെയ്താൽ പോരെ..

 ഞാൻ പറഞ്ഞു കഴിഞ്ഞ് രണ്ട് മൂന്ന് സെക്കൻ്റ് കഴിഞ്ഞപ്പോൾ നമ്പർ അദ്ദേഹത്തിൻ്റെ ശൈലി( കോൾ ലിസ്റ്റില് നിന്നും തിരഞ്ഞു പിടിച്ച്) യില് എടുത്ത് ..

ഇതാണ് നമ്പർ എന്ന് പറഞ്ഞു നമ്പർ പറഞ്ഞു ഞാൻ അതിലേക്ക് അദ്ദേഹം പറഞ്ഞ ചെറിയ തുക സെൻ്റ് ചെയ്തു.. 

 അദ്ദേഹം പൈസ നീട്ടിയപ്പോൾ ഞാൻ പറഞ്ഞു 

വിളിച്ച് ചോദിക്കൂ.. കിട്ടിയൊന്ന്.. എന്നിട്ട് തന്നാ മതി.. 

അദ്ദേഹം വിളിച്ച് ചോദിച്ച് കിട്ടി എന്ന് മറുപടി വന്നപ്പോൾ ഞാൻ പൈസ വാങ്ങി.. ആലപ്പുഴയിൽ നിന്നും ചങ്ങനാശ്ശേരിക്ക് വന്ന നമ്മുടെ വണ്ടിയിൽ അദ്ദേഹം ഉണ്ടായിരുന്നു വരുന്ന വഴിയിൽ രാമങ്കരി എന്ന സ്ഥലത്താണ് വീട്.

    കുറച്ച് നാളുകൾക്ക് ശേഷം ഈ കഴിഞ്ഞ ദിവസവും അദ്ദേഹം ഇതേ ആവശ്യവുമായി എൻ്റെ അടുക്കൽ വന്നു.. 300 രൂപ ഞാൻ സെൻ്റ് ചെയ്തു കൊടുത്തു.. ഞാൻ ചോദിക്കുകയും ചെയ്തു.. 

 എന്ത് പറ്റി മോൻ്റെ പനി കുറഞ്ഞില്ലേ..

 കുറഞ്ഞു.. ഇന്നും പോകണം എന്ന് പറഞ്ഞിരുന്നു .

ശരി എന്ന് പറഞ്ഞു ഞാൻ ടോയ്‌ലറ്റിൽ പോയി വന്ന് വണ്ടിയുടെ അരികിൽ നോക്കുമ്പോൾ അദ്ദേഹം സീറ്റിൽ ഇരുന്നുകൊണ്ട് എന്നെ വിളിച്ച് പറഞ്ഞു.. സാറേ.. പൈസ ചിലപ്പോൾ തിരിച്ച് ഇടും.. 

ഞാൻ ചോദിച്ചു അതെന്താ , എന്ത് പറ്റി..

മോൻ 500 രൂപയാണ് ചോദിച്ചത് 300 ആയൊണ്ട് പറ്റില്ല എന്ന് പറഞ്ഞു , ചിലപ്പോ തിരിച്ച് ഇടും ഒന്ന് നോക്കണേ..

  ഞാൻ പറഞ്ഞു നോക്കാം.. കിട്ടിയാൽ ഉടനെ തന്നേക്കാം..

എന്തായാലും തിരിച്ച് ഇട്ടില്ല, വന്നില്ല..

  ഞാൻ ചിന്തിച്ചത് ഇപ്പോഴുള്ള നമ്മുടെ കുട്ടികളുടെ കാര്യമാണ്.. അവർ ആരെയും കുറിച്ച് ചിന്തിക്കുന്നില്ല, നമ്മുടെ വീട്, അവസ്ഥ, കഷ്ടപ്പാട്.. അച്ഛൻ അമ്മ.. അങ്ങനെ ഒന്നും.. 

  ഈ മനുഷ്യനെ കണ്ടപ്പോൾ എൻ്റെ അച്ഛനെ ( ഇപ്പോഴുള്ള എൻ്റെ ജീവിതത്തിൽ ഞാൻ ഒരു ദിവസം പല തവണ അച്ഛനെയും അമ്മയെയും ഓർക്കാറുണ്ട്, അതിനുള്ള സാഹചര്യങ്ങള് വന്ന് ചേരാറുമുണ്ട്, കാഴ്ചകൾ, അനുഭവങ്ങൾ) ഓർമ്മ വന്നു.. പറഞ്ഞു വന്നത്.. പഴയകാലത്തിൻ്റെ പതിന്മടങ്ങ് വേഗത്തിലെടുന്ന ഇന്നത്തെ ജീവിതത്തിൽ , മക്കളെ നിങ്ങളെ ചേർത്ത് പിടിക്കാൻ മാതാപിതാക്കൾ ഓടുന്ന ഓട്ടം മനസ്സിലാകമെങ്കിൽ , ഇതിലും വേഗത്തിലൂടുന്ന കാലത്ത് നിങ്ങളും വരും.. നിങ്ങളുടെ മക്കളുടെ ജീവിത ശൈലിയിൽ നിങ്ങളുടെ മാതാപിതാക്കളെ കണ്ണുനീർത്തുള്ളികൾക്ക് ഇടയിലൂടെ നിങ്ങള് ഓർക്കും.. ഓർത്തേ പറ്റൂ . കാരണം അത് അങ്ങനെയാണ്.. ഞാൻ എന്ത് നൽകുന്നോ അത് എനിക്ക് തിരികെ കിട്ടും, നല്ലതാണെങ്കിലും ചീത്ത ആണെങ്കിലും. മാതാപിതാക്കൾക്ക് ശാന്തിയും, സമാധാനവും,സന്തോഷവും നൽകാൻ ശ്രമിക്കൂ ,.. 🙏

    ചിത്രം ചുമ്മാ ഇട്ടതാ.. 🙏