BSFജവാൻ ആയ എൻറെ കൂട്ടുകാരന്ഞാനെഴുതിയ എഴുത്ത്
dd/mm/yyyy
മാടപ്പള്ളി
എത്രയും സ്നേഹം നിറഞ്ഞ പ്രിയ കൂട്ടുകാരൻ സതീശൻ അറിയുവാൻ. ഇവിടെ എല്ലാവർക്കും സുഖം. നിനക്ക് സുഖമെന്ന് വിശ്വസിക്കുന്നു. ഇപ്പോൾ അവിടെ കാലാവസ്ഥ എങ്ങനെ ഉണ്ട് തണുപ്പാണോ.. തണുപ്പാണെങ്കിലും ചൂട് ആണെങ്കിലും നമുക്കെന്ത്.. അല്ലേ..
സത്യത്തിൽ എന്നെപ്പോലുള്ള ഇന്ത്യൻ ജനത ഉറങ്ങുന്നത് നിന്നെപ്പോലുള്ള ആൾക്കാർ ഇന്ത്യ എന്ന ഈ മഹാരാജ്യത്ത് കാവൽ നിൽക്കുന്നത് കൊണ്ടല്ലേ...
ഓർക്കുമ്പോൾ അപമാനഭാരംകൊണ്ട് തലകുനിക്കുന്നു. അത് മറ്റൊന്നുമല്ല ജീവൻ പണയപ്പെടുത്തി നിങ്ങളെപ്പോലുള്ള ആൾക്കാർ കാവൽ നിൽക്കുന്ന ഈ മഹാരാജ്യത്ത് , ശത്രുക്കളെ ഒരു അണുവിടപോലും ഉള്ളിലേക്ക് കടത്തി വിടാതെ നെഞ്ചുറപ്പോടെ നെഞ്ചുവിരിച്ച് കാവൽ നിൽക്കുന്ന ഈ രാജ്യത്ത് ചില കിരാത നടപടികൾ നടക്കുന്നു എന്ന് ഓർക്കുമ്പോൾ ലജ്ജകൊണ്ട് തലകുനിക്കുന്നു...
ഇപ്പോഴും അടിമത്തം വിട്ടുമാറാത്ത ചില നാടുകൾ, അവിടെ മരിച്ചുവീഴുന്ന അധസ്ഥിത വർഗ്ഗം, മാനഭംഗപ്പെടുത്തി കൊല്ലുന്ന മേലാള വിഭാഗം , കൂടാതെ പരസ്പരം വെട്ടിമരിയ്ക്കുന്ന യുവതലമുറ രാഷ്ട്രീയ വൈരമാണ് കാരണം... സത്യത്തിൽ നിങ്ങളൊന്നു വഴിമാറിയാൽ തീരാവുന്ന ഈ രാജ്യത്തെ അന്തരീക്ഷം, മനസ്സിലാക്കാതെ പോകുന്ന ജനവിഭാഗം എനിക്ക് അപമാനമാണ്...
എൻറെ കൂട്ടുകാരൻ ഈ രാജ്യത്തിന് കാവൽക്കാരൻ എന്നുപറയുന്നതിൽ എനിക്ക് അഭിമാനമുണ്ട്. നിനക്ക് എൻറെ കരുത്താർന്ന സല്യൂട്ട്
സമയം കിട്ടുമ്പോൾ മറുപടി എഴുതി അയയ്ക്കാൻ മറക്കരുത് സ്നേഹപൂർവ്വം
സന്തോഷ്..
വർഷങ്ങൾക്കുമുമ്പ് ഞാൻ എൻറെ സുഹൃത്തായ സതീശൻ സിബി ക്ക്..
എഴുതിയ തപാൽ ഏതാണ്ട് ഇങ്ങനെയായിരുന്നു.. സതീശൻ ഇന്നും BSF ജോലി ചെയ്യുന്നു...
ആവർത്തിക്കുന്നു സല്യൂട്ട് സഹോദരാ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ